Prison nobo ofisialmente habrí

KRALENDIJK —

Djamars mainta tabatin apertura ofisial di e prison nobo na Plantashi Aruba. Esaki a inisiá unda Hortence Brouwn kende a diseñá loke tabata gezaghèber i su esposa su idea, pa pone dilanti di e prison. Brouwn a papia amplio tokante e imágen. Despues a kontinuá ku drùmbènt unda miembronan di JICN uniformá a desfilá i hisa bandera.

Despues di hisa bandera, a papia Wibo de Vries, kende ta kapitan di e barku manera nan a bisa na e okashon. E na su turno a menshoná entre otro ku e edifisio nobo tabatin su influensia riba trahadónan, esta e lugá nobo. Mester trata hende ku ta den prison bon, pa dia nan regresá den komunidat nan ta stabil pa kontinuá.

Seguidamente a dirigí palabra gezaghèber Edison Rijna. El a menshoná entre otro ku for di prinsipio di e edifisio el a bisa pa no usa e lugá hopi, sinembargo ya por komprondé ku prison ta yen i ta chikitu, loke ta di lamentá. Tin hende mester ta den prison pa korekshon. Seguidamente a papia minister Dekker i el a bisa ta un plaser pe ta na e apertura ofisial di e prison. E prison ta konta ku tur e reglanan internashonal.

Tur e elaborá ku e prison tei pa korigí e persona pa e por regresá den komunidat pa no kometé eror mas i regresá den prison. Despues a papia Pader Santiago i el a menshoná entre otro ku ta importante pa guia esnan ku drenta e prison bon. E parti spiritual ta hopi importante pa e ser humano.

Hopi bon ku awor e lugá ta alehá for di sentro di suidat. Nos di iglesia semper tei pa duna un man. Esaki por konta ku aporte di tur kuater pader riba e isla. Seguidamente a pasa pa e parti di kitamentu di sinta na e entrada prinsipal di e prison.

SHARE


LEAVE A REPLY

Please enter your comment!
Please enter your name here