Yùfrou Stella a yama Kolegio Kristu Bon Wardadó ayó

KRALENDIJK –

Yùfrou Stella Mercera despues di 30 aña di trabou, a despedí di Kolegio Kristu Bon Wardadó. Den presensia di tur mucha di e skol, dosentenan, algun miembro di famia, a tuma lugá e parti ofisial unda tabatin diferente presentashon en konekshon ku despedida di Yùfrou Stella.

Tur mucha a aglomerá bou di patio na e skol i Juraima Josefa-Bernabela a papia i a bisa ku despedida di Yùfrou Stella ta ku sentimentu miksto. Yùfrou Carinne Thielman, direktor di Kolegio Kristu Bon Wardadó a presentá biografia di Yùfrou Stella, loke a trese mas emoshon serka e yùfrou di ya loke e tabatin.

Promé ku a lesa e biografia, Yùfrou Carinne a menshoná dos palabra ku semper Yùfrou Stella ta menshoná, prinsipio i fundeshi. Despues muchanan a presentá diferente kantika i poesia i tabata grita di alegria na e sitio. Tambe kada grupo a entrega Yùfrou Stella regalo, meskos tambe tabata e kaso unda Nilva Wout i Ruthmilda Juliana di Direktiva di Skol Katóliko, a entrega regalo.

Despues tur mucha di skol a kanta un kantika dediká na Yùfrou Stella, loke tabata impreshonante. Final di e aktividat Yùfrou Stella a dirigí algun palabra na tur presente: ‘Danki na mi famia, dosentenan i e muchanan. Mi ta kontentu awe ku mi ta bai ku penshun, sinembargo tambe mi ta sinti straño ku mi ta bai for di skol.

Muchanan semper lo mi keda kòrda riba boso. Boso tin un lugá spesial den mi kurason. Meskos mi ke pa esei ta den boso tambe, esta pa kòrda riba mi. Danki pa tur kos i sigui hasi boso bèst na skol’.

SHARE


LEAVE A REPLY

Please enter your comment!
Please enter your name here