Alsira Weiman kende aktualmente ta kedando na Betesda na Kòrsou a kumpli e bunita edat di 100 aña. Alsira ta esposa di e konosido Dòdò Weimen kende a traha pa hopi tempu riba boto di lots i tabata hopi konosí pa su dushi linan. Hóbennan ku e tempu aya tabata bayendo Technischeschool na Playa Pariba mester ta kòrda Alsira, prinsipalmente pa su linan. Riba e foto Alsira rondoná pa esnan ku tur dia di nobo ta kuid’é.
