Hopi komementu tin den luna di desèmber. Yen di sena di Pasku na restorant i hotèlnan lokal. Ta kome barika yen, sin ta kòrda masha riba esnan ku ta sòru pa e platonan sabroso aki.
Awendia kòkinan no ta spar niun esfuerso pa sisti barika di nan klientenan bon. Un di e bon kòkinan na Boneiru ta Albert Dorothea. E ta di Kòrsou i ta kòki en hefe na restorant di e hotèl na Sorobon. E kòki aki tin su manera spesial pa prepará su platonan.