Lito a bishitá promé beibi di aña

Boneiru a konosé su promé beibi di aña ku a nase dia promé di yanüari ocho minüt pasá di unu i ta pisa 3420 gram i midi 52 centimeter. Djarason mainta Lito, e leonsito amigu di tur mucha di Maduro & Curiel’s Bank (Bonaire) N.V., a bai hospital pèrsonalmente pa saludá i konosé e promé beibi di aña.

Manera kustumber, Lito a opsekiá e beibi, Jordan Jeremiah Lourens, un bunita regalo huntu ku un buki di spar pa asina stimul’é pa e siña spar for di chikitu. Riba e foto momentu ku Lito i direktor gerente di Banko Maduro, Cherethy Kirindongo, a bai hasi bishita i entrega di e regalo na beibi Jordan den kompania di su mama Nohely Lourens, partera Sophie Zeegers i Inga Tjin-A-Sie di Ennia.

SHARE


LEAVE A REPLY

Please enter your comment!
Please enter your name here