Fundashon R.E.H.M. a organisá un eksposishon na Kaya Piedra Pretu 25 na Rincon. Muchanan di 2 pa 10 aña ku ta bai e akohida despues di skol no solamente ta hasi nan tarea di skol, pero ta siña pinta serka yùfrou Marjolein ‘Leintje’ Wilson i serka mener Kin Scherptong nan ta haña lès di piano. Di 27 di aprel pa 2 mei e muchanan aki tin un eksposishon na Terramar pa mustra nan abilidat den pintamentu riba bunita kuadro.
