Den kuadro di un proyekto pa integrá kultura di Boneiru mas tantu posibel den skol, último simannan skol De Pelikaan bou di guia di Shaba ku su tim di Jong Bonaire, a duna un tremendo tayer di trahamentu di fli na alumnonan den grupo 5 te ku grupo 8.
E entusiasmo bou di e muchanan i maestronan ta grandi. Maestronan i nan asistentenan a siña gruponan 0 te ku 4 kon pa traha kapo i e muchanan mes a dòrna nan kapo. Djaweps 11 di aprel ta e dia di festival di fli i e muchanan ta bai riba fèlt grandi pa subi nan flinan.
