Fundashon Cas Boneriano (FCB) a introdusí un otro sistema di konstrukshon di kas. E kontratista Bonaire Builders, dirigí pa Herbert de Jongh jr., ta konstruyendo na e bario Nieuw Amsterdam e promé 76 kas di un kantidat muchu mas grandi di kas sosial pa FCB.
Ta basha betòn den un struktura di metal pa krea murayanan di e kas. Foto ta mustra direktor i trahadónan di Bonaire Builders huntu ku direktor i personal di FCB durante un ‘happy hour’ djabièrnè pa mira e promé kasnan.