Djadumingu último e di 5 edishon di “My Guardian Group Walk and Run Bonaire” a tuma lugá i resultado tabata sumamente eksitoso. Un total di 375 partisipante na salida di kua 79 koredó den 3 disiplina di distansia.
Un bon ambiente a reina durante e ruta i na final e ritmo di un brasbènt di hóbennan di St. Bonaire Youth Entertainment. Inge van Bergen i Charlon Sumter, a resultá e ganadónan apsoluto di e kategoria di kareda.
