Gemar Bernabela a risibí komo promé persona un sertifikado pa motibu ku el a terminá su trayekto di siña i traha ‘Elevá’ na Mangazina di Rei. Entretantu el a drenta servisio na Cocari.
Promé ku Germar a subi merkado laboral, el a sigui un entrenamentu intensivo riba tereno di siña i traha na Mangazina di Rei. Ei nan el a logra deskubrí kua ta su talentonan i kon, sintá den ròlstul, e por hasi uso di su pashon den un ambiente di trabou.
Despues di un eksitoso periodo di stazje na Cocari, a ofres’é un trabou. Heleen Christiaan di Mangazina di Rei a entregá Gemar su sertifikado i for di man di diputado Nina den Heyer el a risibí un regalito.
