Djaluna último Boneiru, bario Antriol, a haña un supermerkado nobo. Ta trata di un supermerkado di e empresario chines Cam Chen, ku no ta deskonosí na Boneiru. E tabatin kaba un supermerkado na Nikiboko Nort i Rincon, pero e empresario aki awor a move tambe pa Antriol.
Nòmber di e supermerkado nobo, situá pegá ku Misa di Coromoto na Antriol, ta Jia Xing i e ta hala atenshon mesora pa su surtido amplio di komestibel i artíkulo di promé nesesidat. Riba e foto doño di Jia Xing Supermarket huntu ku su empleadonan.
