Últimamente a tuma lugá e evento ReeFiesta riba Dia Mundial di Ref. Reef Renewal Foundation Bonaire (RRFB) a organisá e evento anual aki pa di kuater biaha. Mas ku 110 sambuyadó i sinku sentro di buseo a bini huntu pa selebrá e dia aki.
E programa a kuminsá ku parti mainta boluntarionan a sambuyá huntu ku lidernan di ekipo eksperensiá den kuido i restorashon di sitionan ku operadónan di buseo ta mantené. Huntu nan a kolektá di kriaderonan i planta 129 kach’i biná den laman na sinku sitio di restorashon.
