Yuma Coaching & Cooking a klousurá su programa di kushinamentu pa aña eskolar 2018-2019 ku un total di 6 presentashon pa mayor i famia di e hóbennan. Tres di e gruponan tabata kai bou di Fundashon Kuchara, kual a finansiá e proyekto pa e hóbennan.
Tur e hóbennan a sigui lèsnan semanal di kushinamentu durante e último 6 lunanan, den kual nan a siña traha diferente tipo di kuminda, pasa palu i kos di boka dushi. Tur esaki nan ku énfasis riba alimentashon saludabel. Riba e foto un di e hóbennan den kushina.
