Djabièrnè anochi e agrupashon musikal FENTY a hasi su re-debut den un forma maestral. Tabata durante e tradishon nobo “Lit Friday’s Ladies Night” na e klup nukturno Billard Blue Sports Bar, FENTY realmente a pone un tremendo show.
Por bisa di bèrdat ku FENTY a plama e lugá. E públiko presente a gosa i sostené e banda kompletamente. Riba e foto e front nobo di FENTY konsistiendo di Jurnick ‘JC’ Clarenda, Gerald Alberto i Zahid Frans. (Foto: Flavio Maestroni for Boné Magazine)
