Elvia Tjin-Asjoe, sin duda e habitante di mas popular na Kas di Kuido, ta kla pa drenta dékada 20 ku hopi positivismo. Chichi, manera ta yam’é, ta un ehèmpel di kon bo por biba i yega edat haltu ku bo desabilidatnan físiko.
Chichi ta mama di lider di MPB Elvis Tjin-Asjoe, ademas Mary, Elsje i Lando. E ta prima di miembronan di redakshon di Extra-Boneiru Papi i Bòi Antoin. Pa mas ku 50 aña e tin un enfermedat ku ta stroba su mobilidat.
Semper Chichi ta bisa: “Mi ta konsehero di hopi hende.” Semper tin hende ta pasa serka dje pa kombersá. E ta alegre, entusiasmá i ta hinka positivsmo den hende. Dios sigui bedishoná Chichi. Dentro di dos siman e ta yega 85 aña di edat.
