Boneiru a konosé su promé beibi di aña ku a nase dia 2 di yanüari eksaktamente dos minüt pasa di shete di anochi i a pisa 3630 gram. Djabièrnè mèrdia Lito, e leonsito amigu di tur mucha di Maduro & Curiel’s Bank (Bonaire) N.V., a bai hospital personalmente pa saludá i konosé e promé beibi di aña pa opseki’é un bunita regalo huntu ku un buki di spar pa asina stimul’é pa e siña spar for di chikitu. Riba e foto Lito i Lily-Ann Domacassé huntu ku e promé beibi di aña.
