Ayera Sòldachi Tours a kumpli 20 aña di eksistensia. Sòldachi Tours ta organisá kaminata den i rònt di Rincon, pa siña turista i hende lokal historia, kultura i kustumber di Rincon. Pa motibu di selebrashon di 20 aña di Sòldachi Tours, djarason mainta yùfrounan Carmita i Maria, esnan ku a bini ku e inisiativa 20 aña pasá, a bishitá e muchanan di Kolegio San Luis Beltran, Grupo A i B i Sentro Pre Eskolar Hardin Tia Sus. Esaki pa opsekiá e muchanan un pal’i dadel pa nan kuida.
