En total 423 shofùr a laga tèst nan glas di outo pa mira kuantu lus esakinan ta laga pasa. E tèstnan a tuma lugá durante e wikènt tantu na Rincon komo na Playa. Kuerpo Polisial Hulanda Karibense a hasi e tèst i tabatin tambe empleadonan di Entidat Públiko Boneiru presente pa kontestá pregunta tokante glas di outo. Diputado Nina den Heyer tambe a bai tèst glas di su outo, pero a risibí e mal notisia ku mester kita e tint.
