Un foto diferente awe riba portada di BONERIANO. Esaki ta pintura di kas di famia Diaz na Playa Pariba. E outor tabata un persona interná den e kampamentu na Playa Pariba durante Segundo Guera Mundial, pues sea un aleman, hulandes oropeo òf antiano konsiderá komo peligroso pa estado.
Nòmber di e pintor no ta riba e kuadro aki. El a sinta den e kampamentu pinta e kas aki ku tur su detayenan. Pedro Diaz a biba den e kas aki huntu ku su esposa Catharina (Ma Nina) i nan yunan. Pedro a muri na edat relativamente hóben.
