KRALENDIJK –

Roosje Winklaar, konosí pa su snèkbùs ku ta para atardi dilanti ofisina di Ministerio Públiko, ta kòrda riba e meuchinan ku ta forma parti di e founa di Boneiru. E ta tira algu di kome pa nan. E paranan ta keda hopi satisfecho i gradisidu.

Tin algun tempu kaba ku Roosje ta hasi e obra di karidat aki. P’e ta un satisfakshon I fasinashon pa mira kon e paranan ta baha pa kome loke e ta tira pa nan. Despues – djaluna en todo kaso – nan tabata bai bebe awa den un plas djis pegá.

“Mi ta haña ku nos mester kòrda riba nos bestianan den naturalesa”, Roosje Winklaar a bisa. Remarkabel ta kon komportashon di para a kambia. Entre otro meuchi, ku normalmente ta un para ku ta kome den laman. Último dékadanan aki sinembargo nan ta kome tur loke nan haña. Kos a kambia.