Selebrashon di Aña di Lareina ántes tabata e evento di mas grandi i impreshonante na Boneiru. No tabatin karnaval grandi manera awendia, tampoko Regata òf Dia di Rincon. Tur bista tabata dirigí riba Aña di Lareina.
Un persona ku a hunga un ròl importante den e selebrashonnan aki tabata Lodewijk Gerharts. E tabata pa hopi aña, sigur den añanan trinta, kuarenta i sinkuenta, e personal sentral den e organisashon. Riba páginanan 9, 10 i 11 di e edishon aki di Boneriano nos ta hiba bo bèk den e tempu ei.
