Ayera tabata un dia spesial pa muchanan ku a regresá skol. A aliviá e medidanan kontra coronavírùs i muchanan por bai skol. Pa algun alumno di Kolegio Kristu Bon Wardador e dia ta dòbel spesial.
Nan por a kuminsá na e lokalidat nobo, kaminda ántes tabata Kolegio Papa Cornes. Esaki en konekshon ku trabounan di mantenshon na nan skol na Tera Kòra. E pòtretnan ta ilustrá e alumnonan yegando skol i e yùfrounan pará kla pa tuma nos muchanan.
