Diputado Elvis Tjin-Asjoe a hasi un bishita relámpago resientemente na Fruteria Union, situá den Kaya Andres A. (Chitu) Emerenciana na Nikiboko. Esaki a sosodé djis despues ku mesun dia e tabata serka Arie i Tessa Broerstra, dos hòrtikultor hóben ku ta manehá ‘Bon Tera’. E diputado a papia ku señora Patricia Martijn, propietario di Padi Fruteria Union, riba benta di bèrdura i frutanan produsí lokalmente. El a probechá regalá Patricia un saku di promèntè ku el a haña na ‘Bon Tera’.
