KRALENDIJK –
Enrika “Elia” Thode a selebrá su edat di 75 aña di bida djasabra último. Bubui Thodé, esposo di Elia, i e yunan a organisá un anochi kaminda famia i konosí a topa i selebrá fecha natal di Elia.
Kantidat di hende tabata presente pa e selebrashon. Entre nan tabata presente mayoria miembro di grupo di orashon Spiritu Santu. Ta trata di e grupo di orashon di kua Elia ta forma parti. E fiesta tabata animá pa DJ HP, kende a pèrkurá e anochi pa bon ambiente. Tin hende a lòs e pianan tambe manera ta bisa.
Durante e anochi tabatin un momentu di ‘photo shoot’, pa keda ku bunita rekuerdo di e selebrashon. Elia ta konosí spesialmente p’e esposo Bubui, ku hopi ta yama Karèt. Ta trata di hendenan bon konosí pa e bida di laman. Potrèt ta ilustrá algun momentu durante e anochi di fiesta.
