Gezaghèber Edison Rijna a keda nombrá pa un periodo nobo di seis aña. Durante un seremonia den sala di reunion di Konseho Insular na Passangrahan gezaghèber a hura dilanti di representante di Reino interino Jan Helmond.
Den su diskurso despues gezaghèber Rijna a gradisí entre otro Konseho Insular, diferente departamento di gobiernu i stakeholders pa e koperashon ku e a haña durante e seis añanan ku ta tras di lomba i ta spera di risibí mesun koperashon den añanan binidero. Tambe gezaghèber Rijna a yama danki na komunidat di Boneiru pa e sosten ku e a haña i ta konta riba sosten den e seis aña binidero.
