IR-SAIS, konosido kantante boneriano ku a bira hopi konosí rònt mundu, a topa un portrèt di su tata Kennethson Alberto den un buki na biblioteka di FuHiKuBo. IRSAIS tabata di bishita na FuHiKuBo ayera pa buska informashon den kuadro di videoclipnan ku lo bai traha di alrededor di 7 kansion nobo.
E tabata buskando tambe un buki den kua foto di su tata Kennethson a yega di sali den pasado. El a hañ’é tambe, loke a hasié hopi kontentu. Su tata a muri trágikamente, alkansá pa bala di un pistol polisial. FuHiKuBo ta bai traha un seri di programa tokante IR-SAIS dentro di poko.
