E muraya kaminda grandinan di Kas di Kuido Mariadal ta haña terapia, a haña bida. Ta trata aki di un bunita obra di arte ku a pinta riba e muraya. Tantu esnan ku ta haña terapia, komo esnan ku ta sinta den sala i disfrutá di nan dia, tin un bista alegre i kolorido awor.
Pintor di e obra aki ta Sue-Way di `Sue-art Studio`. Si subi riba kuenta di facebook di e artista, por tuma nota di diferente otro pintura kolorido i bunita ku e artista ta kompartí. Sigur e obra aki ta duna koló i alegria den bida di nos grandinan.
