SV La Fama, PlataForma Rincon i Konseho Parokial a djòin pa duna honor na spònsernan ku a yuda nan den e proyekto pa limpia i drecha e parke di hunga Don Bosco den kurá di misa San Luis Beltran na Rincon. Alabes a hasi uso di e oportunidat pa pone un habitante di Rincon den spòtlait. Ta trata di Jolanda Ana Domacassé, mihó konosí komo zùster Jool, pa e trabounan balioso ku el a hasi den bario di Rincon i Boneiru en general.
