E foto aki, saká pa Cliff Frans, ta mustra Silvio (Chibu) Domacassé i su esposa Claudette Domacassé-Frans disfrutando di bida. Chibu ta di Playa Pabou, yu di Pachi Toni i Machi Dodo.
Claudette ta di Rincon, yu di Demetrio i Shon Mama Frans. Chibu a topa ku e amor di su bida te na Rincon. Nan a kasa i a biba te awe felis ku otro. Chibu, piskadó, a traha hopi na Markultura. Claudette a traha na Hotel Bonaire, pero tambe e tabata un lokutora popular.
