Maria ta hala hopi atenshon

Rincon tin un atrakshon nobo. Ta trata di Maria, un yu buriku ku Jeany a reskatá, despues ku kachó a mord’é.Probablemente su mama a muri. E último simannan aki por topa Jeany ta kana den Rincon ku Maria, huntu ku Bòchi Janga.

Maria ta desendiente di e burikunan ku a yega Boneiru 500 aña pasá, tempu ku spañónan a establesé un sorto di gobernashon òf atministrashon na Rincon na 1527. Equus africanus africanus ta un di e antesesornan di e buriku domestiká seis mil aña pasá.

Jeany a konta ku el a topa ku Maria mal heridá. Kachó a mord’é. El a disidí di kuida e animal aki. Ku yudansa di dòkter di bestia a atendé e herida grave i Maria a rekuperá. Ainda por mira sikatris di e herida.

Banda di e herida, Jeany a haña su mes ku e reto pa kuida Maria, dun’é kuminda. E mes- ter a buska lechi na Kòrsou pa duna e buriku, ku mientrastantu el a duna pues e nòmber di Maria.Maria awor aki ta masoménos 8 luna bieu.

Ratu ratu asina Jeany i Bòchi ta sali keiru den Rincon ku Maria, halando hopi atenshon. Spesialmente muchanan di Rincon ta enkantá ku e buriku aki. Den pasado tambe ta- batin un buriku famá den Rincon, esta Barseló di Broertje Janga. Barseló tabata un atrakshon. Un outo manehá pa un atversario polítiko di Broertje Janga a alkansá Barseló, kousando su morto.

SHARE


LEAVE A REPLY

Please enter your comment!
Please enter your name here