E organisashon `Street Art Cities`, despues di a konta tur voto, a nominá e pintura di Tymon de Laat komo e mihó pintura di muraya. Manera BONERIANO a publiká algun siman pasá, e artista huntu ku un gran kantidat di otro artistanan di muraya, tabata den kontienda pa gana e premio máksimo.
Atraves di kuenta di facebook di Hòfi Kultural, por a subi e lenk i vota pa Tymon su obra `Leilana`. Tur luna e organisashon ta tene e kompetensia i por vota pa e `muraya di luna`. Ku su obra Tymon ta bira ganadó pa luna di febrüari. Boneiru un biaha mas ta haña atenshon mundial, den kaso aki ku e bunita obra ku e artista a laga atras.
