Mester hasi trabou di mantenshon regular na e parke di molina òf turbina di bientu entre boka di Onima i Morotin. E aparatonan aki, situá na kosta nort, ta hopi vulnerabel pa e stòf di awa di laman ku tin den aire. Fotógrafo di BONERIANO a saka e trahadónan aki ta hasiendo mantenshon na un dje turbinanan, ku ta sòru pa produkshon di un parti grandi ku Boneiru ta konsumí na koriente.
