Andy Silberie a hasi tremendo trabou

Tourism Corporation Bonaire (TCB) a rekonosé Andy Serberie pa su akto noble hasí djárason. Andy Serberie tabata piskando algun mia for di kosta i a nota algu kòrá ta drif riba awa.

Ora el a yega serka, el a topa ku dos sambuyadó ku a bai leu for di kosta i ku tabata buskando yudansa pa bai kosta bèk. Mesora Andy a yega mas serka pa a duna e sambuyadónan un pida kabuya pa nan por a tene na dje i trese nan salvo bèk na kosta.

Pa e akto noble aki TCB a rekonosé Andy komo un embahador di Boneiru. Andy a risibí un medaya di oro i tambe un regalo di parti di TCB i Karels’ Beach Bar & Restorant i un estadia di Plaza Beach Resort & Casino. Andy sigur ta un ehèmpel pa nos tur i su akto ta representá e komunidat di Boneiru ku semper ta kla pa duna un man na un i tur.

SHARE


LEAVE A REPLY

Please enter your comment!
Please enter your name here