Na altura parke Chiku Goeloe
KRALENDIJK – Durante e siman akí e trabounan a kuminsá na Parke Plasa Chiku Goeloe. Ta trata aki di trabounan di adaptashon i infrastruktura.
Kapa
Ta bai duna e lugánan di parker i e área rondó di e parke un kapa duru i ta pone un asera elevá, kaminda ta tene kuenta ku personanan ku desabilidat. Ta kita tur waya riba tera i pasa nan bou di tera. E trabounan ta inkluí lusnan di kaya nobo di LED ku ta efisiente den uso di koriente i ta kontribuí na hasi e besindario mas sigur. Ademas ta spar asina riba gastunan di maneho i mantenshon.
Plasa Chiku Goeloe
Ta hasi uso di e parke Plasa Chiku Goeloe pa diferente aktividat di hóben i adulto. Tur aña ta tene selebrashon di Dia di Antriol na e sitio. Tambe ta duna semanalmente lès di karate, tin aparatonan di hasi ehersisio ku tur hende por hasi uso di dje i tin un sala disponibel pa enkuentronan ofishal i festivo.
