WI L L EMS TA D – -Djaluna 11 di sèptèmber sentral di polis a dirigí un unidat di warda di polis di Barber na altura di Martha Koosje, pa un aksidente di tráfiko ku un persona heridá. Na yegada di e unidat, a topa un pikòp di bòltu riba e banda di shofùr. E shofùr, un hende hòmber ku ainda tabata den e vehíkulo, tabata gravemente heridá i tabata nesesario pa ekipo di reskate di brantwer yega na e sitio pa sak’é for di e situashon ku e tabata aden.
Despues ambulans a transportá e víktima ku urgensia pa Sala di Emergensia di C.M.C. pa tratamentu médiko. Den oranan di dia, personal di Departamento di Tráfiko a risibí informashon ku e víktima a fayesé a konsekuensia di heridanan ku el a sufri durante di e aksidente. Debí ku e proseso pa rekonosé e víktima dor di famia no a tuma lugá ainda, no por duna e identidat liber. Investigashon den e kaso ta kontinuá.
