KRALENDIJK — Djamars 5 di sèptèmber alrededor di 9’or di anochi, un aksidente entre un outo i un skuter a tuma lugá riba Bulevar EEG. E outo tabata kantu di kaminda i a subi kaya nèt na momentu ku un skuter tabata aserkando ku konsekuensia ku e skuter a bai dal den e outo. Ambulans a transportá shofùr di e skuter pa hòspital pa tratamentu médiko. Shofùr di e outo no por a mustra un reibeweis bálido i a haña un prosèsverbal. Den oranan di mainta djaluna 4 di sèptèmber un aksidente a tuma lugá riba Bulevar EEG.
Na yegada di e patruya, a konstatá ku un skuter a dal tras di un outo. Shofùr di e outo a deklará ku e tabata kore direkshon sùit riba e kaya menshoná i a wanta brek na momentu ku e outo su dilanti kier a lora na man robes. Na e momentu ei e skuter a kore dal su tras. Pa e motibu akí shofùr di e skuter a resultá heridá. Ambulans a transport’é pa hòspital pa tratamentu médiko.
