ORANJESTAD — Diadomingo anochi den careda di 9’or polis di trafico a bay pa un boksmento den Caya Frere Alexius, unda e auto lo a basha un cura di cas abou. Na yegada polis a papia cu a dama chauffeur y mesora a constata cu e ta bou influencia. Locual a sosode ta cu e dama na stuur di Toyota Rav color preto tawata bayendo direccion nort.
Ey ta unda e la subi acera na su man drechi y casi ta kibra cura di e cas ey, pero e ta maniobra unda e auto a kita bay na su man robes directamente contra cura di un cas. Por a mira cu aunke e lo a dal su cabes contra e windshield e tawata OK. No a keda e agente di trafico nada otro pa detene y laga transportwagen hibe warda pa test. E protocol ta asina cu e dama aki lo wordo hiba warda di polis, unda cu si ta bon e lo mester wordo getest pa alcohol, e lo ricibi un boet y lo por bay su cas despues. Takelwagen a presenta y a bay cu e auto pa warda di Santa Cruz.
