KRALENDIJK — Djasabra 9 di sèptèmber alrededor di kuartu pa trese di mardugá, Polis a detené e yònkuman di inisial L.H.E.N. di 16 aña di edat pa violashon di lei di identifikashon BES. Un patruya a spòt e sospechoso ful na pretu ku un ‘hoodie’ bistí ta kana kantu di kaminda na Kaya Nikiboko Sùit. Na momentu ku e sospechoso a mira e outo di polis su tras riba kaminda, el a kuminsá kore. El a para na un kas i a tira algu afó. A dun’é òrdu pa identifiká su mes ku un prueba di identifikashon. E no por a kumpli ku esaki. Seguidamente a listr’é buskando su sédula. Aki a haña un laiter di kushina. A inisiá un búskeda pa haña loke ku el a benta afó i ta trata di un ‘balaklava’ koló pretu. Pa e motibu aki a deten’é.
