K R A L E N D I J K — Diputado Hennyson Thielman ta kontinuá ku su bishita na kas den bario. Djaweps 14 di sèptèmber e bario di Antriol ta na turno. Entre 2’or di mèrdia i 6’or di atardi, e mandatario ta presente den e bario, kompañá pa su tim di kolaborador pa kòmbersá ku habitantenan i skucha nan deseonan i loke ta biba den nan bario. E tim ta yuda den e proseso di duna kontinuashon serka koleganan interno. Kada luna Diputado Thielman, huntu ku su tim, ta skohe un bario ku e ta bai bishitá.
Durante e bishitanan akí, e mandatario ta bishitá siudadanonan ku ta deseá esei na nan kas. Siudadanonan ku ta interesá i ta deseá esaki por registrá, mandando un mensahe pa medio di un Whatsapp na +599 7706943, òf manda un email na gedeputeerde. thielman@bonairegov. com Diputado Thielman ta duna hopi balor i importansia na e bishitanan na kas. Nan no ta fasilitá solamente habitantenan ku tin problema ku transporte pa bishitá e mandatario na su ofisina, pero tambe e siudadano ta sinti nan mas kómodo den su ambiente di kas.
