KRALENDIJK – Alvin Clemencia, kende a traha hopi aña den e sekshon di buseo di Divi Flamingo, a baha ku penshun. Djabièrnè atardi gerensia i personal di e hotèl a tuma despedida di loke nan ta yama nan ‘strea briante’. Alvin a invitá su amigunan tambe pa asistí na e selebrashon di despedida na Pureocean Sundeck di e hotèl. “Alvin tabata un strea briante na Divi Resorts. Su dedikashon i kalor a toka nos tur”, segun gerensia di e hotèl. Alvin Clemencia a bini for di Kòrsou i a keda traha na Flamingo Divi Gotel te na su momentu di bai ku penshun.
