AMSTERDAM–Ademas di e oumento di salario, personal di enseñansa ta risibí un supsidio úniko. Debí na e akuerdo di negoshashon kolektivo alkansá, e wèlga planiá pa próksimo luna lo no sigui mas. Trahadónan di skol primario, sekundario i edukashon spesial ta risibí un oumento di salario di 10 porshento. Komo resultado, e wèlganan den enseñansa primario i sekundario anunsiá pa siguiente luna lo no sigui. Algemeen Onderwijs Bond, AOB, ta skirbi esaki despues di yega na e akuerdo kolektivo di trabou.
E oumento di salario lo drenta na vigor retroaktivamente for di 1 di yüli. Ademas, e profeshonalnan ta risibí un benefisio na novèmber, ku ta varia entre 1.000 euro bruto pa e eskalanan di salario mas abou i 350 euro pa empleadonan ku entrada mas haltu. Nan ta risibí esaki un bía so. Karga di trabou i gastunan di biahe Ademas di un salario mas haltu, e supsidio di biahe lo subi di 12 pa 17 sèn pa kilometer. “E ta leu ainda di ta sufisiente pa paga tur kosto di biahe, pero nos a dal paso den bon direkshon”, Thijs Roovers, direktor di AOB, a bisa ku entusiasmo.
Tambe a yega na akuerdo tokante e karga haltu di trabou den enseñansa primario. Roovers ta satisfecho ku e resultadonan optené. “Esaki ta un bon akuerdo. E menasa di wèlga a yuda”, e ta bisa. “Uní i bati riba mesa ku su man ta yuda realmente. “E partidonan di AOB i otro sindikatonan no a komentá e resultadonan ku nan a logra ainda.
