HULANDA – Eksportashon di produkto for di Hulanda na yüli a baha di nobo. E eksportashon di produkto a baha ku 0,9 porshento kompará ku mesun luna un aña pasá, a sali na kla for di sifranan di Ofisina Sentral di Statistik, CBS. Na yüni ainda e bahada tabata 1,5 porshento. Eksportashon ta un fuente importante riba kua ekonomia ta drif. Desde e segundo kuartal, Hulanda ta sintá den un reseshon fuerte. Ku esaki ekonomia Hulandes kasimente no a subi ya kuater kuartal. Inisio di e di tres kuartal ta demostrá ku e sifranan di eksportashon awor kasimente no a mehorá.
Ku esaki CBS ta konstatá ku e sirkunstansianan pa eksportashon pa sèptèmber ta poko mas faborabel ku esun di yüli. Esaki ta bini dor di e konfiansa negativo di produkto na Alemania. Den e pais importante akí di eksportashon for di Hulanda, e produkshon industrial a baha. Mas aleu den henter e zona Europeo e konfiansa i huisio tokante pedido for di eksterior di fabrikantenan, a bira mas negativo. Na yüli na Hulanda prinsipalmente eksportashon di metal i produktonan kímiko, tabata ménos ku un aña anterior. Esaki segun investigadó di CBS, Marjolijn Jaarsma, ta bini prinsipalmente dor di produkshon ku ta baha i e demanda na stal na Alemania i otro paisnan den besindario. Banda di esei sí tabatin un plùs di 2,2 porshento di eksportashon di mashin i aparato. Na por ehèmpel Estádos Unídos i Sùitost Asia, tin hopi demanda pa entre otro mashinnan di chip i mashinnan di agrikultura.
