KRALLENDIJK – E eksposishon ‘Nationaal stilstaan bij Corona’, e próksimo lunanan no ta biaha solamente den provinsianan, pero tambe e islanan Karibe Hulandes. Ta mira e pandemia komo e krísis di mas grandi di e último 75 aña den Reino. Corona a toka tur hende di un manera òf otro. Tabatin ayudo, solidaridat, gradisimentu i amor, pero tambe soledat, miedu i rabia. Den e eksposishon mas ku 400 Hulandes ta konta un storia tokante esun ku durante e pandemia a hasi mas impreshon riba e persona.
Un storia pues tokante tur hende. Huntu ku e storianan, tin tambe foto impreshonante for di e añanan di Corona. E eksposishon ta invitá tur hende pa agregá un storia personal. E pregunta sentral ta, ‘serka ken bo ta para ketu’, segun e organisashon. E proyekto ta organisá dor di e komité nashonal ku a para ketu serka Corona ku e gabinete a instituí, pa para pensa ketu di e konsekuensianan ku e krísis di Corona tabatin riba e sosiedat.
