Komo direktor interino di planifikashon
KRALENDIJK – Dia 7 di sèptèmber Edsel Winklaar a kuminsá laborá komo direktor interino di Planifikashon i Desaroyo (R&O) na entidat públiko Boneiru. Winklaar lo ehersé e funshon te na momentu ku nombra un direktor permanente. Entre tantu entidat públiko Boneiru a kuminsá ku e prosedura pa reklutá kandidatonan adekuá. Direktorado di Planifikashon i Desaroyo ta okupá su mes entre otro ku repartishon di tereno, emishon i kontròl di pèrmit di konstrukshon i konstrukshon di kaminda. Tambe e ta desempeñá un ròl krusial na momentu di asesoramentu di Kolegio Ehekutivo.
