KRALENDIJK – Kompania di awa i elektrisidat, WEB, ta traha huntu ku eSmart System pa hasi kresementu di e isla posibel dor di oumentá efisiensia i seguridat operashonal di infrastruktura i sostené datonan eksakto pa plannan di invershon. E proyekto ta transformá e strategia di maneho di aktivonan dor di entregá datonan eksakto pa aktivonan di koriente, awa i kloaka. eSmart Systems ta entregá un programa pa registrá mas o ménos 100 mil aktivo pa inventarisashon di tur utilidat.
Ta usa Grid Vision® pa krea un vershon digital di inventarisashon basá riba imágen ku ta duna bista físiko di e ret.
E poblashon di Boneiru ta krese i turismo ta desaroyá. WEB ta suministrá awa i elektrisidat pa 20 mil bibienda, kompania i organisashon riba e isla. E proyekto ta hasi uso di ‘eSmart Systems Grid Vision ® Asset Digitalization solution, pa registrá e informashon di aktivo rekerí, inkluyendo dokumentashon visual di supstashon, MSR, kashinan, mastnan, meter di koriente i awa.
E kolaborashon ta entregá informashonnan di aktivo di kalidat haltu i eksakto den Grid Vision® pa e infrastruktura krítiko di WEB, efisiensia i aktividatnan seif i datonan eksakto pa garantisá planifikashon di invershon i sostené kresementu riba e isla.
“ Nos a keda basta impreshoná ku e enfoke i metodologia di eSmart Systems pa sostené nos nesesidatnan pa loke ta trata maneho di kapital. Via di un proyekto piloto, e informashon di aktivo eksakto i di kalidat haltu den Grid Vision® a entregá informashonnan balioso den nos infrastruktura krítiko. Awor nos ta kontentu di por implementá esaki riba henter nos infrastruktura,” Gerrit Scharrenberg, Chief Operations Officer di WEB, a duan di konosé. WEB ta kontentu di por sostené su trayekto di maneho di aktivonan. E kolaborashon ta pone e base pa optené un registro di aktivo eksakto ku WEB por usa fuera di e proyekto akí pa desishonnan pa loke ta trata planifikashon di invershon pa sostené e kresementu na Boneiru, segun Henrick Bache, CEO di eSmart Systems.
eSmart-Systems eSmart Systems ta un proveedó lider di solushonnan basá riba inteligensia artifisial pa inspekshon i mantenshon di infrastruktura krítiko. Ku e solushon di software Grid Vision®, ta revolushonando e manera kon kompanianan di utilidat ta manehá i mantené nan ret di transmishon i distribushon. E kompania ta sostené kompanianan di utilidat mundialmente pa baha gastunan di inspekshon, hasi inspekshon mas seif, mehorá e kalidat di datonan di aktivo i ekstendé durashon di e aktivonan. eSmart Systems tin mas di 20 aña di eksperensia internashonal den establesé i operá kompanianan lider den IT i kompanianan relashoná ku energia, ku ta enfoká riba merkado global.
