KRALENDIJK – Fundashon Alzheimer Boneiru (FAB) a sera Dia Mundial di Alzhemer djaweps 21 di sèptèmber di un manera festivo ku presentashon di kanto na Captain Don’s Habitat. Nuebe bishitante di akohida den dia di Kas di Kuido na Boneiru, representando tur bario na Boneiru, a trese nan kansionnan ku no por lubidá pa nan miembronan di famia invitá, bou di guia di un kolaboradó den kuido, miéntras un bishitante a deklamá un poema. Almar Nicolaas, konosido músiko, a kompañá e kantantenan di un manera maestral. Kada bishitante por a trese 6 miembro di famia, huntu ku direktiva i boluntarionan di FAB ku a pèrkurá pa servisio, a sòru pa un sala yen i entusiasmá ku aktivamente a kanta i bati man. Tur hende a gosa di e anochi i di e artistanan kende ku apesar di e echo ku nan ta biba ku demensia, a sa di demostrá nan talento tur ku tin. Kada partisipante a risibí na final di e anochi un bukèt di flor i un sertifikado di partisipashon, entregá pa presidente di FAB, Evert Piar. Organisadónan, miembronan di direktiva i boluntarionan di FAB, ta wak bèk riba un klousura eksitoso di Dia Mundial di Alzheimer e aña akí.
