WILLEMSTAD- Sentro di Detenshon i Korekshon Kòrsou (SDKK) a risibí bishita di parlamentarionan di Komishon di Hustisia. Meta di e bishita tabata pa eparlamentarionan di Komishon di Hustisia sera konosí ku tim di maneho di SDKK i tambe haña un rekorido den e instituto. Parlamentarionan ku tabata presente na e okashon tabata:sr. Braam komo presidente di Komishon di Hustisia, sr. Mercelina komo vise-presidente di e Komishon di Hustisia, sr. Brownbill, sra. Nita, sr. Seferina, sra. Jesus-Leito, sr. Martinez i 2 personal di Griffie di Parlamento di Kòrsou. Durante e seshon ku tim di maneho di prizòn a bin diferente preguntanan dilanti enkuanto finansa, retonan ku tin diariamente, eskases di personal, seguridat i e parti di resosialisashon di klientenan den SDKK. Tambe durante e rekorido den e instituto tabatin oportunidat pa e parlamentarionan di Komishon di Hustisia interkambiá ku klientenan di e blòknan ku a bishitá.
