KRALENDIJK — Den oranan di mardugá di djasabra 9 di sèptèmber, Mas detenshon pa manehá fuma alrededor di kuartu pa kuater, Polis a detené e hòmber di inisial K.M.R. di 35 aña di edat pa manehá bou di influensia di alkohòl.
E sospechoso tabata enbolbí den un aksidente durante kua su outo a bai resultá den mondi riba Kaya Internashonal.
A hasi un tèst di supla ku e shofùr pa motibu ku e no por a para riba su pianan i tabata papia ku lenga pisá. En konekshon ku e resultado di esaki, a detené e sospechoso. Den oranan di mardugá djaweps 7 di sèptèmber, Polis a detené e dama di inisial T.J.L. di 29 aña di edat pa manehá bou di influensia di alkohòl.
E sospechoso tabata enbolbí den un aksidente riba Kaya Kachi Craane. Aki el a dal den dos otro vehíkulo ku tabata stashoná. Na yegada di e patruya, a konstatá ku e dama tabatin wowo kòrá i tabata papia ku lenga pisá. Pa e motibu akí a hasi un tèst di supla kuné. En konekshon ku e resultado, a detené e sospechoso i a konfiská su reibeweis.
Despues di un kontròl mas aleu, e no por a mustra dokumentunan di seguro bálido tampoko. Pa esaki el a haña un prosèsverbal. Alrededor di 1’or di mardugá djárason 6 di sèptèmber, Polis a detené e hòmber di inisial G.J.P. di 48 aña pa manehá bou di influensia di alkohòl. Un patruya a spòt e shofùr na momentu ku e tabata kore zeilu riba Kaya Neerlandia ku su skuter. A dun’é òrdu pa para pa un kontròl i a konstatá ku e tabata papia ku lenga pisá i tabatin wowo kòrá. Pa e motibu akí a hasi un tèst di supla kuné i en konekshon ku e resultado di esaki, a detené e sospechoso. A konfiská su skuter i su reibeweis.
