ORANJESTAD — Dialuna mainta den careda di 11’or ta sosode un accidente serio entre brommer cu un auto Honda. Esaki a sosode altura di Brazil Rumshop. Ta trata un accidente hopi serio, unda cu e motociclista un hende homber a sufri golpi fuerte na cabes y un pia severamente fractura. Na yegada di polis nan ta solicita pa un ambulance cu urgencia, mirando e situacion di e victima. Na nos yegada no a haya un Honda windshield kibra y mas daño parti dilanti. Algun meter dilanti e auto e brommer benta. Parti patras un rastro bastante largo di partinan di e brommer.
E victima tambe a keda ariba caminda benta, bastante meter patras di e auto gravemente herida. Segun e chauffeur; e motociclista a papia y bisa polis cu e la sali/subi caminda cu velocidad halto dilanti e Honda. Na yegada di Paramediconan hunto cu dos unidad medico di Rapid Responder di Imsan a drenta den accion, stabilisando e victima y saliendo cu velocidad halto direccion di Hospital. Camindanan a wordo pidi pa cera algun area pa e ambulance por yega mas rapido Hospital. Departamento nan concerni a wordo yama na e sitio, manera departamento tecnico. Polisnan di trafico a papia tambe cu un dama testigo cu a mira locual a sosode.
