KRALENDIJK / ORANJESTAD — Biblioteca Nacional Aruba tabata anfitrion di e selebrashon di e poeta arubiano Clarette Quandus, kende a kumpli 25 aña ta publiká obra literario i 44 aniversario den e mundu kreativo, artístiko i di literatura di Aruba. Clarette Quandus ta bon konosí na Boneiru, na unda e tin hopi amigu. E tabata den pasado tambe den e programa ‘Aki Aruba’, produsí pa FuHiKuBo. Pa minister Maduro di kultura tabata un plaser pa tabata presente pa asina disfrutá di e diferente presentashonnan ku tabata tin na honor di e selebrashon aki.M inister Maduro a hiba palabra repasando e bida artístiko di Clarette, kende a kuminsá sirbi ‘versje’ ku su 8 aña di edat. E tempu ta su yùfrou Joanna Trimon di Colegio Ora Ubao a duna Clarette e oportunidat pa resitá un poema, spesialmente dediká na mamanan riba ‘Dia di Mama’ e tempu ei. Aki ta kaminda ku Clarette pa haña inspirashon pa skirbi i di einan e restu ta historia.
Awendia Aruba por konta ku un poeta ku semper a karga idioma Papiamentu i a sa di komponé hopi poema for di kual 4 buki a sali publiká riba merkado. Durante e atardi aki, minister Maduro, den nòmber di Gobièrnu di Aruba, a entregá na Clarette un rekonosementu pa su añanan dediká na e mundu kreativo, artístiko i di literatura. Minister Maduro: “‘Clarette masha pabien i masha danki. Danki tambe na bo famia, amistatnan i tur bo koleganan artista, i na kada un ku a yuda bo, inspirabo i motivá bo den e bunita trayektoria aki.”
